काठमाडौं । काठमाडौं उपत्यकामा पछिल्लाे २४ घण्टामा थप ५७२ जनामा कोरोना भाइरसको संक्रमण पुष्टि भएको छ ।

काठमाडौंमा मात्रै ४९५ जना संक्रमित थपिएका छन् । यस्तै ललितपुरमा ४३ र भक्तपुरका ३४ जनामा कोरोना संक्रमित थपिएका स्वास्थ्य तथा जनसंख्या मन्त्रालयले जनाएकाे छ ।

पछिल्लो २४ घण्टामा काठमाडौंमा तीन तीनजनाको मृत्यु भएको मन्त्रालयले जनाएको छ । काठमाडौंका ५५ वर्षीया महिला तथा ५९ र ८३ वर्षीय कोरोना संक्रमित पुरुषको मृत्यु भएको छ ।

यसैबीच नेपालमा थप १२ सय ४६ जना कोरोना संक्रमण पुष्टि भएकाे छ । बिहीबारको नियमित प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा थप १ हजार २४६ जनामा काेराेना संक्रमण पुष्टि भएकाे जानकारी दिए । याेसँगै नेपालमा कुल संक्रमितको संख्या ५० हजार नाघेको छ ।