कैलाली । कैलालीबाट लागुऔषधसहित एक महिला पक्राउ परेकी छन् । पक्राउ पर्नेमा बझाङको बुंगल नगरपालिका–२ दहबगरकी ४५ वर्षीया मंगलीदेवी धामी रहेकी छन् ।

उनलाई गोदावरी नगरपालिका–२ तेघरी खानेपानी टोलबाट १६ किलो १८० ग्राम लागुऔषधसिहत पक्राउ गरिएको इलाका प्रहरी कार्यालय मालाखेतीले जनाएको छ ।

उनको घरको कोठा भित्र सेतोमा रातो धर्सेदार रंगको बोरा भित्र भुसामा लुकाई छिपाई राखेको लागुऔषध र नापतौल गर्ने तराजुसहित फेला पारी नियन्त्रणमा लिएको बताइएको छ ।

उनलाई मालाखेती प्रहरीको हिरासतमा राखेर थप अनुसन्धान भइरहेको छ ।