एजेन्सी । अमेरिकी राष्ट्रपति जो बाइडेनले अमेरिका नाजुक मोडमा रहेको बताएका छन् ।

राष्ट्रपतिको दौडबाट बाहिरिएपछि पहिलो पटक ह्वाइट हाउसबाट राष्ट्रका नाममा सम्बोधन गर्दै राष्ट्रपति बाइडेनले यस्तो बताएका हुन् ।

अमेरिका नाजुक मोडमा रहेको उनले बताए । अहिले आफूहरूले गर्ने निर्णयले देशको भविष्य निर्धारण गर्ने उनको भनाइ थियो । ‘हामीले अगाडि बढ्ने वा पछि हट्ने, आशा र घृणा, एकता र विभाजन बीचको छनौट गर्नुपर्छ,’ उनले भने ।

राष्ट्रपतिको रूपमा देशको सेवा गर्नु आफ्नो जीवनको सम्मान भएको उनले बताए । यस्तै नयाँ पुस्तालाई कमाण्ड सुम्पनु नै अगाडि बढ्ने उत्तम उपाय भएको उनको भनाई छ ।