काठमाडाैं । महानगरीय अपराध महाशाखाले क्यानडा पठाईदिन्छु भन्दै ठगी गर्ने ३ जनालाइ पक्राउ गरेकाे छ ।

पक्राउ पर्नेमा आफुलाई प्रभावशाली व्यक्तिको भन्दै ठगी गर्ने सुर्खेत विरेन्द्रनगर-९ घर भई हाल धापासी बस्ने ध्रुव थापा, सुर्खेत विरेन्द्रनगर -९ कै २४ बर्षीय सन्ध्या थापा र जिल्ला सुनसरी धरान-३ का ४६ बर्षीय राजेन्द्र कुमार श्रेष्ठ रहेकाे प्रहरीले जनाएकाे छ ।

उनीहरूले मोरङ शनिश्चरे घर भई हाल कपन सरस्वतीनगर बस्ने नारायण खड्कालाई क्यानडा पठाईदिन्छु भनि विश्वास दिलाई एक्काईस लाख ठगी गरेको प्रारम्भिक अनुसन्धानबाट खुलेको छ । उनीहरूलाइ नियन्त्रणमा लिएर थप अनुसन्धान भइरहेकाे प्रहरीले जनाएकाे छ ।