काठमाडौं । नेपाल राष्ट्र बैंकका गभर्नर महाप्रसाद अधिकारीले ६ जना कार्यकारी निर्देशकहरुको सरुवा गरेका छन् ।

बैंक सुपरीवेक्षण विभागमा कार्यरत रहेका देवकुमार ढकालले वित्त व्यवस्थापन विभागको जिम्मा पाएका छन् ।

मानव संसाधन विभागका मुकुन्दकुमार क्षेत्रीलाई सूचना प्रविधि विभागमा, सूचना प्रविधिका नरेश शाक्यलाई मानव संसाधन विभागको जिम्मेवारी दिइएको छ ।

त्यस्तै विवादास्पद रेवती प्रसाद नेपाललाई आन्तरिक लेखापरीक्षण विभागमा लगिएको छ । उनी आजसम्म लघुवित्त संस्था सुपरीवेक्षण विभागमा छन् ।

वित्त व्यवस्थापन विभागका रामु पौडेललाई बैंक सुपरीवेक्षण र आन्तरिक लेखापरीक्षण विभागका विमलराज खनाललाई लघुवित्त संस्था सुपरीवेक्षण विभागको जिम्मेवारी दिइएको छ ।

शुक्रबारदेखि लागु हुनेगरी गभर्नर अधिकारीले विभागीय प्रमुखहरुको जिम्मेवारी हेरफेर गरेका हुन् ।