ललितपुर । ललितपुरको आनन्द जंगलमा लागेको डढेलो निभाउन गएका एक जनाको मृत्यु भएको छ ।

जिल्ला प्रहरी कार्यालय ललितपुरका अनुसार गोदावरी नगरपालिका वडा नम्बर ४ का शंकर पहरीको उपचारको क्रममा मृत्यु भएको हो ।

उनलाई स्थानीय स्वास्थचौकीमा उपचार गरी थप उपचारका लागि कीर्तिपुर बर्न अस्पताल पुर्‍याइएको थियो । तर उपचारको क्रममा मृत्यु भएको प्रहरीले जनाएको छ ।

जंगलमा लागेको डढेलो फैलिएर नजिकैको कुष्ठरोग अस्पतालसम्म आउन सक्ने भएपछि निभाउन जाँदा दुई जना घाइते भएका थिए ।

अर्का घाइतेको पनि कीर्तिपुर अस्पतालमा उपचार भइरहेको बताइएको छ ।