अछाम । अछामको चौरपाटी गाउँपालिकामा राष्ट्रपति रनिङ शिल्ड खेलकुद प्रतियोगिता सुरु भएको छ ।

पालिकाको आयोजनामा गाउँपालिको खेलमैदानमा बुधबारदेखि सुरु भएको प्रतियोगिताको गाउँपालिका अध्यक्ष भिम बहादुर साउँदले उद्घाटन गरेका हुन् ।

प्रतियोगितामा गाउँपालिकाभित्रका विभिन्न विद्यालयका विद्यार्थी खेलाडीहरूले सहभागिता जनाएका छन् ।

प्रतियोगिताले विद्यालय स्तरमा खेलाडी उत्पादनमा टेवा पुग्ने गाउँपालिकाको विश्वास छ ।