काठमाडौं । नेपाल सुपर लिग (एनएसएल) को दोस्रो संस्करणमा आज ललितपुर सिटी एफसी र वीरगन्ज युनाइटेड खेल्दै छन् ।

त्रिपुरेश्वरस्थित दशरथ रंगशालामा हुने यी दुई टिमबीचको खेल साँझ ५ बजेदेखि सुरु हुनेछ ।

लिगमा हालसम्म वीरगन्ज जितविहीन छ । वीरगन्जले यसअघि दुई खेल खेले पनि दुवैमा हार बेहोरेको थियो ।

यता, अपराजित ललितपुर भने तीन खेलबाट पाँच अंकसहित तालिकाको दोस्रो स्थानमा छ ।

मंसिर ८ गतेदेखि सुरु भएको प्रतियोगितामा नौ टिमको सहभागिता छ ।