काठमाडौं । आईसीसी एकदिवसीय विश्वकप क्रिकेटमा श्रीलंकाले बङ्गलादेशलाई २८० रनको लक्ष्य दिएको छ ।

दिल्ली अरुण जेटली स्टेडियममा टस हारेर ब्याटिङको निम्तो पाएको श्रीलङ्का ४९ ओभर ३ बलमा २ सय ७९ रन बनाउँदा अलआउट भयो । श्रीलङ्काका चरिथ असलन्काले शतक बनाए ।

उनी १ सय ५ बलमा १ सय ८ रन बनाएर आउट भए । यस्तै पथुम निसन्का र सदिरा समराविक्रमाले समान ४१ रन जोडे ।

बलिङतर्फ बङ्गलादेशका तन्जिम हसन सकिबले ३ तथा शोरिफुल इस्लाम र कप्तान शकिब अल हसनले समान २ विकेट लिए ।

श्रीलङ्का ७ खेलमा ४ अङ्कसहित तालिकाको सातौँ स्थानमा छ भने बङ्गलादेश पनि ७ खेलमा २ अङ्कसहित नवौँ स्थानमा छ ।