काठमाडौं । आइसिसी एकदिवसीय क्रिकेट विश्वकपको उपाधि जित्न घरेलु टिम भारतले दिएको २४१ रनको लक्ष्य पछ्याएको अस्ट्रेलियाका लागि ओपनिङ ब्याट्सम्यान त्रविस हेडले शतक पूरा गरेका छन् ।

उनले ९५ बलमा १४ चौका र १ छक्काको मद्दतमा शतक पूरा गरे । उनले ३५.५ ओभरमा शतक पूरा गर्दा अस्ट्रेलियाले ३ विकेटको क्षतिमा १८५ रन जोडेको थियो ।

उनले मार्नस लबुसेनसँग १४४ रनको साझेदारी गरिसकेका छन्। यसअघि खराब सुरुवात गरेको अस्ट्रेलियाले ७ ओभरभित्र ३ विकेट गुमाएको थियो ।

त्यसअघि खेलको पहिलो इनिङमा टस हारेर ब्याटिङमा आएको भारतले निर्धारित ५० ओभरमा सबै विकेट गुमाएर २४० रनको बनाएको थियो ।