काठमाडौं । नेपालले मंगोलियालाई ३१५ रनको विशाल लक्ष्य प्रस्तुत गरेको छ । चीनमा आयोजना भइरहेको एसियन गेम्सअन्तर्गतको टी-२०आईमा नेपालले निर्धारित ओभरको खेलमा तीन विकेट गुमाएर ३१४ रनको बनाएको हो ।

नेपालका लागि कुशल मल्लले शतक प्रहार गरे । उनले ५० बलमै १३७ रनको कीर्तिमानी शतक प्रहार गरेका हुन् । उनले मंगोलियाविरुद्ध १२ छक्का र ८ चौका प्रहार गरे।

त्यस्तै कप्तान रोहित पौडेलले अर्धशतकसहित ६१ रनमा आउट भए । २७ बल खेलेका उनले ६ चौका र २ चौका प्रहार गरे। अलराउन्डर दीपेन्द्र सिंह ऐरीले १० बलमै ८ छक्का प्रहार गर्दै अर्धशतकसहित ५२ रन बनाए ।

ओपनर कुशल भुर्तेल १९ रनमा आउट हुँदा आसिफ शेख १६ रन बनाएर पेभेलियन फर्किएका थिए । अहिले मंगोलिया लक्ष पछ्याउँदै छ । दुई ओभरमा एक विकेट गुमाएर दुई रन बनाएको छ ।