एजेन्सी। जुलाई दोस्रो साता रुसको सेचेनोभ विश्वविद्यालयले विश्वमै पहिलो पटक कोरोना भाइरस (कोभिड–१९) विरुद्धको खोपको क्लिनिकल ट्रायल सफल भएको दाबी गरे लगत्तै चिनियाँ खोपको पनि तेस्रो चरण परीक्षण शुरु भएको छ । यस अन्तर्गत संयुक्त अरब इमिरेटको अबुधाबी शहरमा १५ हजारलाई चिनिया खोप लगाउने भएको छ ।

तस्रो चरणको परीक्षण शुरु गर्ने यो विश्वको पहिलो कोरोना खोप हो । यो खोपको विकास चिनियाँ कम्पनी साइनोफर्म सीएनबीजीले गरेको हो । विश्व स्वास्थ्य संगठनमा पंन्जिकृत यो खोपको क्लिनिकल परीक्षणको शुरुवाट युएईका शेख अब्लुल्ला बिन मोहम्मद अल हमदले गरेका छन् ।

युएईमा करिब २ सय देशका नागरिक बस्छन्, त्यसैले यहाँ खोप परीक्षणको अनुमति दिइएको बताइएको छ । यस परीक्षणमा १५ स्वयंसेवकले हिस्सा लिइरहेको युएइका अधिकारीले बताएको छ । यस क्रममा चीनका राजदुतको पनि उपस्थिति थियो । यो क्लिनिकल परीक्षण अत्यन्त कडा नियम भित्र गराइएको हो । पहिलो र दोस्रो चरणको सफलतापछि यो खोपको तेस्रो परीक्षण शुरु गरिएको चिनियाँ कम्पनीले दावी गरेको छ ।

२८ दिन भित्र दुई पटक यो खोपको डोज दिएपछि सत प्रतिशत ब्यक्तीमा रोग प्रतिरोध क्षमता विकसित भएको सिनोफर्म कम्पनीले जनाएको छ । यो तेस्रो चरणको परीक्षणमा १८ देखि ६० बर्ष उमेर समुहका ब्यक्तीहरु सहभागी भएका छन् ।

यो इनएक्टिवेटेड कोरोना भाइरस खोप यस महामारीमा सबै प्रकारका भाइरस लागि उपयुक्त भएको सिनोफर्मका अध्यक्ष यांग सियाओमिंगले जानकारी दिए । साथै यसको अन्य खोपको तुलनामा अत्यन्त कम मात्र दुष्प्रभाव छ । उनले भने ( हालै चीनको सिनफादी बजारमा भेटिएको भाइरसको प्रकारका लागि पनि प्रभावकारी छ ।

अहिलेसम्म कुनै पनि कोरोना खोपलाई अनुमति दिइएको छैन । डब्ल्युएचओका अनुसार २३ खोपको मानव परीक्षण भइरहेको छ । यसमा तीनवटा खोप आफनो परीक्षणको तेस्रो चरणमा पुगेको छ । अहिलेसम्म ५ लाख ८४ हजार यस महामारीका कारण मृत्यु भइसकेको छ । यो भाइरसको संक्रमण १ सय ९६ देशमा फैलिसकेको छ ।

विश्व श्वास्थ्य संगठन (डब्लुएचओ) का कुनै पनि रोग वा भाइरसविरुद्ध खोप निर्माण गर्न लामो समय लाग्ने गर्छ । त्यसैले खोप यो मितिमा आइपुग्छ भनेर भन्न सकिँदैन । यद्यपि अमेरिकी संक्रामक रोग विशेषज्ञ एन्थोनी फाउचीले आफ्नो देशमा यस वर्षको अन्तिमसम्ममा कोरोना भाइरसविरुद्धको खोप बजारमा आइपुग्ने दाबी गरेका छन् । अरुले पनि यस वर्षको अन्तिमसम्म कोरोना भाइरसविरुद्धको खोप बजारमा आउने दाबी गरेका छन् ।