काठमाडौं । प्रधानमन्त्री केपी शर्मा ओलीले बलिउडका अभिनेता अमिताभ बच्चन र अभिषेक बच्चनको स्वास्थ्य लाभको कामना गरेका छन् ।

प्रधानमन्त्री ओलीले आईतबार ट्वीट गर्दै कोरोना भाइरस संक्रमण पुष्टि भएका उनीहरुको स्वास्थ्य लाभको कामना गरेका हुन् ।

प्रधानमन्त्री ओलीले ट्वीट मार्फत भनेका छन्, ‘भारतका महान अभिनेता अमिताभ बच्चन र उनका छोरा अभिषेक बच्चनको शिघ्र स्वास्थ्य लाभको कामना गर्दछु।’

Wishing legendary actor of India @SrBachchan and his son actor @juniorbachchan good health and speedy recovery!

— K P Sharma Oli (@kpsharmaoli) July 12, 2020

शनिवार कोरोना संक्रमण पुष्टि भएसँगै हमिताभ नानावती अस्पतालमा भर्ना भएका छन् । अभिषेक तथा बुहारी ऐश्वर्या राय र नातिनी आराध्यामासमेत कोरोना पुष्टि भएको छ ।

अमिताभ र अभिषेक अस्पतालमा उपचाररत रहेका छन् भने बुहारी र नातिनि होम क्वारेन्टाइनमा रहेको भारतीय सञ्चार माध्यमले जनाएका छन् ।