काठमाडौं । आगामी आर्थिक वर्ष २०८०/८१ को बजेट सार्वजनिक भएको भोलिपल्ट नै सेयर बजारमा ठुलो गिरावट आएको छ ।

नेपाल स्टक एक्सचेन्जको अनुसार मंगलबार सेयर बजार ५३.१६ अंकले घटेर १८८८.६१ विन्दुमा पुगेको छ ।

नेप्से उच्च अंकले घटेपनि बजारमा कारोबार रकम भने वृद्धि भएको छ । आज ७० लाख कित्ता सेयर किनबेच हुँदा कुल दुई अर्ब ३४ करोड रुपैयाँको कारोबार भएको छ ।

जसमा सबैभन्दा बढी कारोबार शिवम् सिमेन्टको २१ करोडको भएको छ । यस्तै उपसमूह तर्फ आज सबै समूहमा गिरावट आएको छ । आज बजार पुँजीकरण २७ खर्ब ५७ अर्ब रुपैयाँ रहेको छ ।