काठमाडौं । काठमाडौंमा जारी सहिद स्मारक ‘ए’ डिभिजन लिग फुटबलमा आज नवौं चरण अन्तर्गतका दुई खेलहरु हुँदैछ ।

लिग अन्तर्गत आइतबार एक खेल दशरथ रंगशाला र एक खेल च्यासल मैदानमा हुनेछ ।

त्रिपुरेश्वरस्थित दशरथ रंगशालामा हुने खेलमा रोयल ब्लु सातदोबाटो युथ क्लब र नेपाल पुलिस क्लबबीच प्रतिस्पर्धा हुनेछ । सातदोबाटो र पुलिसबीचको खेल साँझ ६ बजे सुरु हुनेछ ।

त्यस्तै, च्यासल मैदानमा संकटा क्लब र नेपाल एपीएफ क्लबबीच खेल हुनेछ । संकटा र एपीएफबीचको खेल दिउँसो ३ बजे सुरु हुनेछ ।