गाईघाट । उदयपुर सदरमुकाम गाईघाट बजारको मुख्यचोकमा आइतबार बिहान ट्रकको ठकरबाट मोटरसाइकल चालकको घटनास्थलमै मृत्यु भएको छ।

मृत्यु हुनेमा मोटरसाइकल चालक त्रियुगा नगरपालिका–११ साउनेका ४३ वर्षीय तारणी थापामगर रहेका छन्।

प्रदेश नं१–०५–००१प ६१५१ नम्बरको मोटरसाइकलमा सवार मगरलाई गाईघाटबजारको मुख्य चोकबाट दक्षिणतिर जाँदै गर्दा पश्चिमबाट तीव्रगतिमा आइरहेको मे१ख २१८४ नम्बरको ट्रकले ठकर दिएको जिल्ला प्रहरी कार्यालय उदयपुरले जनाएको छ ।

घटनापछि ट्रक चालकलाई नियन्त्रणमा लिएर घटनाको थप अनुसन्धान भइरहेको प्रहरीले जनाएको छ ।