काठमाडौं । काठमाडौंमा जारी नेपाल टी–ट्वान्टी क्रिकेट लिगमा बिहीबार दुई खेल हुँदैछन् । दुवै खेल कीर्तिपुरस्थित टियु मैदानमा हुनेछ ।

बिहीबारको पहिलो खेलमा पोखरा एभेन्जर्सले विराटनगर सुपर किंग्ससँग प्रतिस्पर्धा गर्नेछ । यी दुई टोलीको खेल बिहान ९ बजेबाट सुरू हुनेछ ।

पोखरा पहिलो जितको खोजीमा रहनेछ भने विराटनगर चाहिँ दोस्रो जितको खोजीमा रहेको छ ।

बिहीबार नै हुने दोस्रो खेलमा फार वेस्ट युनाईटेडले जनकपुर रोयल्ससँग प्रतिस्पर्धा गर्नेछ । यी दुई टोलीको खेल दिउँसो १ बजेबाट सुरू हुनेछ ।

जनकपुर तेस्रो जितको खोजीमा रहने छ भने फार वेस्ट दोस्रो जितको खोजीमा रहेको छ ।