अर्घाखाँची । अर्घाखाँचीमा अरिंगालको टोकाइबाट एक महिलाको मृत्यु भएको छ ।

जिल्लाको शितगंगा नगरपालिका-३, ठाडा पदमीकी २१ वर्षीया रोमा सारुको अरिंगालको टोकाइबाट मृत्यु भएको हो ।

जिल्ला प्रहरी कार्यालय अर्घाखाँचीका अनुसार बुधबार दिउँसो गाई चराउन गएकी उनलाई अरिंगालले टोकेको थियो।

अरिंगालको टोकाइबाट उनी गम्भीर घाइते भएकी थिइन्। सारुको उपचारका क्रममा बिहीबार देवदह मेडिकल कलेजमा मृत्यु भएको प्रहरीले जनाएको छ ।