काठमाडौं । मकवानपुरमा जन्ती बोकेको बस दुर्घटना हुँदा ४ जनाको मृत्यु भएकाे छ। मकवानपुरगढी गाउँपालिका वडा नम्बर २ मा बस दुर्घटना हुँदा उनीहरूकाे ज्यान गएकाे हाे । दुर्घटनामा परी १८ जना घाइते भएका छन् ।

मकवानपुर प्रहरी प्रमुख सुशील सिंह राठौरले बुधबार साझा जन्ती बोकेको ना ३ ख ३५५६ बस दुर्घटना भएको जानकारी दिए । दुर्घटनामा ४ जनाको मृत्यु भएको राठौरले पुष्टि गरेका छन् । मृत्यु हुनेको पहिचान खुल्न बाँकी रहेको प्रहरीले जनाएको छ ।

उनले उद्दार कार्य जारी रहेको बताए । मान्छे धेरै च्यापिएको भन्दै मृतकको संख्या बढ्न सक्ने उनले बताए । उनका अनुसार घटनाको थप विवरण आउन बाँकी छ ।