काठमाडौं । पछिल्लो समय बैंकिङ प्रणालीबाट निक्षेप बाहिरिने क्रम बढेसँगै बैंकहरुको कर्जा-निक्षेप अनुपात (सीडी रेसियो) फेरि बढ्न थालेको छ।

नेपाल राष्ट्र बैंकको पछिल्लो तथ्यांकअनुसार मंगलबारसम्म वाणिज्य बैंकहरूमा कुल निक्षेप ४४ खर्ब ३४ अर्ब रुपैयाँ छ । जुन सोमबारको तुलनामा १३ अर्ब रुपैयाँले बढेको हो ।

सोमबार भने बैंकहरूको कुल निक्षेप ४४ खर्ब २१ अर्ब रुपैयाँ रहेको थियो । यता, केन्द्रीय बैंकको तथ्यांकअनुसार वाणिज्य बैंकहरूको कर्जा लगानीमा पनि केही विस्तार भएको छ । सोमबारसम्म ४१ खर्ब ६९ अर्ब रुपैयाँ रहेको कर्जा लगानी मंगलबारसम्म ४१ खर्ब ७२ अर्ब रुपैयाँ पुगेको हो । एकदिनमै कर्जा लगानी तीन अर्ब रुपैयाँले बढेको हो ।

अहिले राष्ट्र बैंकले निक्षेपको ९० प्रतिशत ऋण परिचालन गर्न पाउने व्यवस्था गरेको छ। राष्ट्र बैंकले आर्थिक वर्ष ७८–७९ को मौद्रिक नीतिमार्फत सीसीडी रेसियोलाई खारेज गर्दै सीडी रेसियो ल्याएको थियो।