काठमाडौं । चीनको वुहानबाट शुरु भएको कोराना भाइरस (कोभिड–१९) को महामारीका कारण विश्व नै यतिबेल संकटग्रस्त अवस्थाबाट गुज्रिरहेको छ ।

नेपालमा पनि कोरोनाको संक्रमण दिन दिनै बढिरहेकै छ । आजसम्म नेपालमा ५२ जना कोरोना संक्रमित भेटिएका छन् भने १६ जना निको भएर घर फर्केका छन् ।

सरकारले कोरोना संक्रमण फैलन नदिनका लागि चैत ११ गतेदेखि नै लकडाउन गरेको छ । पछिल्लो पटक थपिएको लकडाउन आजबाट समाप्त हुँदैछ । तर, हिजो बसेको मन्त्रीपरिषद् बैठकले थप १० दिन लकडाउन गर्ने निर्णय गरिसकेको छ । यो निर्णयसँगै अब २५ गतेसम्म लकडाउन हुने भएको छ ।

३४औं दिनसम्म आइपुग्दा धेरै उपत्यकाबासीका लागि काठमाडौं नै नौलो जस्तो भइसक्यो । त्यसैले हामीले काठमाडौंबासीलाई मात्र नभई सम्पूर्ण देशबासीलाई नै राजधानीको वर्तमान अवस्थाको बारेमा जानकारी गराउन फोटो फिचर तयार परेका छौं ।