बुद्ध जयन्तीमा ओलीको सन्देश - करुणा र शान्तिको मार्गमा अघि बढौँ

अनलाइन नेपाल

शुक्रवार , बैशाख १८, २०८३

बुद्ध जयन्तीमा ओलीको सन्देश - करुणा र शान्तिको मार्गमा अघि बढौँ

काठमाडौं । नेकपा एमालेका अध्यक्ष केपी शर्मा ओलीले बुद्ध जयन्तीका अवसरमा सम्पूर्ण नेपाली तथा विश्व समुदायमा शान्ति, करुणा र सहिष्णुताको सन्देश फैलिन आग्रह गरेका छन् ।

शुभकामना सन्देश जारी गर्दै ओलीले आजभन्दा करिब २६५० वर्षअघि यही दिन मानव इतिहासले करुणाको उज्यालो देखेको उल्लेख गरेका छन्। उनले शान्तिका अग्रदूत गौतम बुद्धले यही दिन बोध प्राप्त गरेको र मानव सभ्यताले बुद्धलाई अमूल्य धरोहरका रूपमा प्राप्त गरेको बताए।

ओलीले ‘२५७० वर्षअघि यही दिन उहाँ महापरिनिर्वाणमा विलीन हुनुभयो’ भन्दै बुद्धको जन्म, बोधी र महापरिनिर्वाण एकै दिन पर्ने यस पावन अवसरको विशेष महत्त्व औँल्याएका छन्।

‘यस दिन हाम्रो देशभित्र र विश्वभर शान्ति, सहिष्णुता र मैत्रीभाव विस्तार होस्,’ उनले सन्देशमा भनेका छन्, ‘मानव सभ्यतालाई सत्य, अहिंसा, करुणा र शान्तिको मार्गतर्फ डोर्‍याउने शाश्वत सन्देश प्रवाह गर्ने यस दिवसको अवसरमा सबैमा हार्दिक शुभकामना व्यक्त गर्दछु।’

सम्बन्धित न्युज

आज बुद्ध जयन्ती मनाइँदै, देशभर सार्वजनिक विदा

प्रतिक्रिया दिनुहोस्

नयाँ अपडेट

थप नयाँ अपडेट

बुद्ध जयन्तीमा ओलीको सन्देश - करुणा र शान्तिको मार्गमा अघि बढौँ