Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
मंगलवार , चैत्र १०, २०८२
कपिलवस्तु। कपिलवस्तुमा चैत्र ७ गतेदेखी जारी निषेधाज्ञा आज हटाइएको छ ।
सर्वपक्षीय छलफलबाट अप्रिय घटनामा कोही संलग्न नहुने र सामाजिक सद्भाव खलबल नबनाउने निर्णय भएपछि निषेधाज्ञा हटाइएको कपिलवस्तुका प्रमुख जिल्ला अधिकारी जनार्दन गौतमले जानकारी दिए ।
मुस्लिमहरूले ईद मनाउँदै गर्दा शनिवार महराजगञ्ज नगरपालिका–२ स्थित बरगदा र बहादुरगञ्ज क्षेत्रमा हिन्दु र मुस्लिम समुदायको बिचमा झडप भएको थियो ।
झडप नियन्त्रणमा लिन प्रहरीले हवाई फायर गरेको थियो । झडपमा ३ जना घाइते भएका थिए ।
त्यसपछि जिल्ला प्रशासन कार्यालय कपिलवस्तुले हिजो दिउँसो १ बजेदेखि अर्को आदेश नभएसम्मका लागि निषेधाज्ञा जारी गरेको थियो ।
त्यसयता निषेधाज्ञा लागु गरिएका क्षेत्रहरूमा पूर्वमा लबनी चोक, पश्चिममा बर्दघाटको पुल, उत्तरमा पचेहरा चोक र दक्षिणमा धर्मभक्त माध्यमिक विद्यालय क्षेत्रभित्र कुनै पनि प्रकारका भेला, सभा, जुलुसमा रोक लगाइएको थियो ।
विवाद समाधानका लागि भएको सर्वदलीय र सर्वपक्षीय छलफलपछि निषेधाज्ञा हटेको हो । निषेधाज्ञा हटाएसँगै महाराजगञ्ज नगरपालिका-२ वरदवा क्षेत्रमा जनजीवन सामान्य बनेको छ ।
© 2026 All right reserved to onlinenepal.com
Design & Developed By
