काठमाडौंमा गड्याङगुडुङ र हावाहुरीसहित वर्षा

अनलाइन नेपाल

सोमवार , चैत्र २, २०८२

काठमाडौं। काठमाडौं उपत्यकामा सोमबार साँझ हावाहुरीसँगै वर्षा भएको छ।

उपत्यकामा मेघगर्जन सहित पानी पर्न थालेको जल तथा मौसम विज्ञान विभाग अन्तर्गतको मौसम पूर्वानुमान महाशाखाले जनाएको छ ।

मौसम पूर्वानुमान महाशाखाको सोमबार साँझ जारी बुलेटिनअनुसार अहिले नेपालमा पश्चिमी न्यून चापीय प्रणालीको प्रभाव छ।

यसैगरी महाशाखाले कोसी, गण्डकी, लुम्बिनी र कर्णाली प्रदेशको पहाडी र हिमाली भूभागका थोरै स्थानमा हल्का वर्षा र हिमपातको भइरहेको पनि जनाएको छ।

आइतबार गण्डकी प्रदेशका विभिन्न जिल्लाहरुमा पनि हावाहुरी र चट्याङसहितको वर्षा भएको थियो ।

यो हप्ताभरि नै देशका अधिकांश जिल्लामा हल्का वर्षाको सम्भावना रहेको विभागको पूर्वानुमान छ।

पछिल्लो केही दिनदेखि उपत्यकामा वायु प्रदूषण बढेको थियो। हावाहुरी र वर्षा भएसँगै काठमाडौं उपत्यकाको प्रदूषण घट्ने अनुमान गरिएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

अर्काका गोटी बनेर हिँड्नेहरू गए पनि पार्टी कमजोर हुँदैन : राजेन्द्र लिङ्देन