लुम्बिनी प्रदेशमा बुधबार सार्वजनिक बिदा

अनलाइन नेपाल

मंगलवार , माघ २०, २०८२

दाङ । लुम्बिनी प्रदेश सरकारले बुधबार सार्वजनिक बिदा दिने निर्णय गरेको छ।

प्रदेश आन्तरिक मामिला तथा कानुन मन्त्रालयका सचिव लोकबहादुर सुनारका अनुसार प्रदेश स्थापना दिवसको अवसरमा बिदा दिइएको हो।

सुनारले सोमबार नै सार्वजनिक विज्ञप्तिमार्फत सार्वजनिक बिदा दिएको उल्लेख गरेका थिए।

लुम्बिनी प्रदेश सभा २०७४ माघ २१ गते स्थापना भएको थियो। लुम्बिनी प्रदेश सरकार स्थापना भएको आठ वर्ष पूरा भएको छ।

२०८० भन्दा पहिले लुम्बिनी सरकारले हरेक वर्ष माघ २१ लाई प्रदेशसभा स्थापना दिवस र फागुन ३ लाई सरकार स्थापना दिवसको रूपमा मनाउँदै आएको थियो।

२०८० सालदेखि दुई वटा दिवसलाई एकै दिन मनाउने गरी माघ २१ लाई प्रदेश स्थापना दिवसको रूपमा मनाउन थालिएको थियो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

आज सातै प्रदेशमा चट्याङ्गसहित वर्षाको सम्भावना