काठमाडौं । बेलायतमा एक नेपालीलाई २५ वर्षको जेल सजाय सुनाइएको छ ।
नेपाली समुदायका सात बालिका र एक महिलामाथि दुर्व्यवहार गरेको अभियोगमा सोमबार क्याम्ब्रिज क्राउन कोर्टले ४९ वर्षीय प्रमोद ढकाललाई दोषी ठहर गर्दै उक्त सजाय सुनाएको हो ।
उनले नेपाली समुदायमा घनिष्ठ सम्बन्ध र पहुँच बनाई धेरै महिलाहरूमाथि यौन दुर्व्यवहार गरेको आरोप पुष्टि भएको छ ।
धार्मिक समारोहहरू गर्ने ढकालले आठ वर्षकी बालिकालाई बलात्कार गरेको क्याम्ब्रिज क्राउन कोर्टमा सुनुवाइका क्रममा अदालतलाई जानकारी दिइएको थियो ।
ढकालले १७ वर्षदेखि धार्मिक कार्यक्रम गर्दै आएको र सोही समयदेखि यौन दुर्व्यवहारमा संलग्न रहेको बताइउको छ ।
पिटरबरोको ग्रेन्ज रोड निवासी ४९ वर्षीय ढकाललाई २५ वटा यौन अपराधमा दोषी ठहर गर्दै २५ वर्षको जेल सजाय सुनाइएको छ ।