Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
शुक्रवार , भाद्र १३, २०८२
अछाम । अछामको चौरपाटी गाउँपालिकामा नयाँ प्रमुख प्रशासकीय अधिकृत खटाइएको छ ।
सङ्घीय मामिला तथा सामान्य प्रशासन मन्त्रालयले बिहीबार उद्योग, वाणिज्य तथा आपूर्ति मन्त्रालय अन्तर्गत कार्यरत शाखा अधिकृत सुरेश प्रसाद जैसीलाई चौरपाटी गाउँपालिकाको प्रमुख प्रशासकीय अधिकृतको रूपमा खटाएको हो ।
यससँगै लामो समयसम्म निमित्त प्रमुख प्रशासकीय अधिकृतको जिम्मेवारी सम्हाल्दै आएका धन बहादुर थापा हटेका छन् । थापा यहाँ कार्यरत रहँदा विभिन्न विवादमा तानिएका थिए ।
उनीमाथि अन्य प्रमुख प्रशासकीय अधिकृतलाई कार्यलयमै प्रवेश गर्न नदिने, आर्थिक अनियमितता गर्ने जस्ता गम्भीर आरोपहरू लाग्दै आएका थिए ।
यसअघि चौरपाटी गाउँपालिकामा आएका प्रशासकीय अधिकृतहरूको एक महिनामै सरुवा हुने वा हाजिर नहुँदै सरुवा हुने अवस्थाले गाउँपालिकाको प्रशासनिक कामकारबाही प्रभावित हुँदै आएको थियो ।
अब चौरपाटी गाउँपालिकाको प्रशासनिक काममा पारदर्शिता, जवाफदेहिता र सुशासन कायम हुने अपेक्षा गरिएको छ ।
© 2026 All right reserved to onlinenepal.com
Design & Developed By
