Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार , भाद्र १०, २०८२
काठमाडौं । अरनिको राजमार्गमा मंगलबार दिउँसो बोलेरो जीप भोटेकोसी नदीमा खसेर दुर्घटना हुँदा दुई बेपत्ता भएका छन् ।
जिल्ला प्रहरी कार्यालय सिन्धुपाल्चोकका अनुसार तातोपानीबाट बाह्रविसेतर्फ आउँदै गरेको बा २१ च ७५४४ नम्बरको बोलेरो दिउँसो साढे तीन बजेतिर भोटेकोसी गाउँपालिका–४ चाकुबाट नदी किनारमा खसेर दुर्घटना हुँदा त्यसमा सवार चालक र सहचालक बेपत्ता भएका हुन् ।
बरहथवा नगरपालिका–२, सर्लाहीका बोलेरो चालक २३ वर्षीय राजेशकुमार कुसहवा र बौधिमाई नगरपालिका–१, रौतहटका २५ वर्षीय सहचालक रामप्रवेश महतो बेपत्ता भएको जिल्ला प्रहरी कार्यालयका डिएसपी माधव खरेलले जानकारी दिए ।
बेपत्ताको खोजी कार्य जारी रहेको प्रहरीले बताएको छ । घटनापछि इलाका प्रहरी कार्यालय बाह्रविसे र झीर्पु चौकीबाट पुगेका सुरक्षाकर्मीले टुचिन लगाई दुर्घटनाग्रस्त बोलेरो तान्ने क्रममा एक शब बगाएको थियो ।
बोलेरोमा यी चालक र सहचालक मात्र रहेको जानकारी पाएको डिएसपी खरेलले बताए । बोलेरो सडकबाट २० मिटर तल नदीमा खसेको थियो ।
© 2026 All right reserved to onlinenepal.com
Design & Developed By
