Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार , भाद्र १०, २०८२
काठमाडौं । विभिन्न पाँच बुँदे मागसहित आन्दोलित भएका कवाड व्यवसायीहरूले मंगलबार पनि काठमाडौं महानगरपालिका कार्यालय घेराउ गरेका छन् ।
काठमाडौं महानगरका प्रहरीले पछिल्लो दुई वर्षभित्र कवाड व्यवसायीमाथि पुर्याएको क्षतिको क्षतिपूर्ति तत्काल दिनुपर्ने मागसहित उनीहरू आन्दोलित भएका हुन् ।
व्यवसायीहरूले संवैधानिक हक र अधिकारको ग्यारेन्टी, कवाड संकलक तथा मजदुरमाथि भएको कुटपिट, अपहरण र संरचना भत्काउने कार्य तत्काल रोक्नुपर्ने, ज्यादतीमा संलग्न महानगर प्रहरीलाई कारबाही गर्नुपर्ने, कवाड व्यवसायीलाई राज्यले सुरक्षा दिनुपर्ने लगायतका मागहरू राखेका छन् ।
आन्दोलनरत व्यवसायीहरूले सोमबार पनि कमलादीस्थित महानगर कार्यालय अगाडि नाराबाजीसहित धर्ना दिएका थिए ।
काठमाडौं महानगरको बलजफ्ती कारबाहीका कारण आफ्नो जीविकोपार्जन जोखिममा परेको र माग पूरा नभएसम्म आन्दोलनलाई निरन्तरता दिने उनीहरुले चेतावनी दिएका छन्।
© 2026 All right reserved to onlinenepal.com
Design & Developed By
