अनलाइन नेपाल
धनकुटा । धनकुटामा छुरा प्रहारबाट दुई किशोर घाइते भएका छन्।
घाईते हुनेहरुमा धनकुटा नगरपालिका–५ बिहीबारेका १७ वर्षीय आयुष राई र कुशल राई रहेका छन् ।
बिहीबारे हाट नजिकै उनीहरुमाथि छुरा प्रहार भएको भएको थियो । कुशलको टाउको तथा ढाड र आयुषको गर्धन तथा बायाँ पाखुरामा चोट रहेको जनाइएको छ।
घाइतेमध्ये कुशललाई जिल्ला अस्पतालमा प्राथमिक उपचारपछि धरानस्थित बीपी कोइराला स्वास्थ्य विज्ञान प्रतिष्ठानमा थप उपचारका लागि लगिएको छ ।
आयुषको भने जिल्ला अस्पतालमा उपचार भइरहेको बताइएको छ। घटनामा सम्लग्न धनकुटा–६ नाशल चोकका १९ वर्षीय रुसुक नेवा खड्गी र धनकुटा–७ का १८ वर्षीय लाजीहाङ लिम्बुलाई प्रहरीले पक्राउ गरेको छ ।
खड्गीलाई नाशल चोक र लिम्बुलाई शिव मन्दिर नजिकबाट पक्राउ गरिएको प्रहरीले उल्लेख गरेको छ । पक्राउ परेका दुवैलाई जिल्ला प्रहरी कार्यालयको हिरासतमा राखि कानुनी कारबाहीको प्रक्रिया अघि बढाएको प्रहरीले जनाएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply