अनलाइन नेपाल
काठमाडौं । नेकपा एमालेका वरिष्ठ उपाध्यक्ष ईश्वर पोखरेलले काठमाडौंको तीनकुने घटनाको योजनाकार पूर्वराजा ज्ञानेन्द्र शाहलाई कारबाही हुने बताएका छन् ।
नेकपा एमालेले कास्कीमा शनिबार आयोजना गरेको जागरणसभालाई सम्बोधन गर्दै पोखरेलले पूर्वराजा ज्ञानेन्द्र नै तीनकुने घटनाको योजनाकार भएकाले कारबाही हुने बताएका हुन् ।
नेकपा एमालेका वरिष्ठ उपाध्यक्ष पोखरेलले भने,‘एउटा नागरिकले जसरी गलत काम गरेबापत दण्डको भागिदार हुनुपर्छ त्यस्तै किसिमले दण्डको भागिदार पूर्वराजा ज्ञानेन्द्रलाई पनि बनाउने छौं । तीनकुने घटनाको योजनाकार, मास्टरमाइन्ड पूर्वराजा थिए जसलाई अब यथोचित प्रक्रियाबाट छानबिन हुन्छ भन्ने कुरा म जानकारी गराउन चाहन्छु ।’
अराजकताबादलाई सघाउने र मलजल गर्ने काम गर्नु उचित नहुने पोखरेलको भनाइ थियो ।
उनले भने, ‘तीनकुनेको कार्यक्रम हत्या, हिंसा, तोडफोड, आगजानी गर्ने उद्देश्यका साथ आयोजना गरिएको थियो । प्रक्रियाअनुसार पूर्वराजा शाहमाथि छानबिन हुन्छ ।’
राजाको शासनकाल र राजतन्त्र ढलेपछि विकास र जनताको जीवनस्तरमा सुधार भएको पोखरेलको दाबी छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply