अनलाइन नेपाल
काठमाडौं । काठमाडौं महानगरपालिकाका मेयर बालेन्द्र साह (बालेन)ले तीनकुने घटनाको निष्पक्ष छानबिन गर्नुपर्ने बताएका छन् ।
तीनकुने घटनामा प्रहरीको गोली लागेर ज्यान गुमाएका सविन महर्जनको कीर्तिपुरस्थित घरमा पुगेर परिवारका सदस्यहरूसँग मेयर बालेनले सो कुरा बताएका थिए ।
चैत १५ गते तीनकुने क्षेत्रमा भएको प्रदर्शन र त्यसपछि उत्पन्न परिस्थितिका बीच प्रहरीको गोली लागेर कीर्तिपुर नगरपालिका ४ का २९ वर्षीय सविन महर्जनको मृत्यु भएको थियो।
मेयर बालेनले घटनाको निष्पक्ष छानबिन हुनुपर्ने बताए। मंगलबार मेयर शाह महर्जनको घरमा पुगेका थिए। व्यक्तिले ज्यान गुमाउने कुरा सामान्य नहुने मेयर बालेनले बताए ।
राजसंस्था पुनर्स्थापनाको मागसहित दुर्गा प्रसाईंको आह्वानमा चैत १५ गते तीनकुनेमा प्रदर्शन भएको थियो।
प्रहरी सुरक्षा घेरा तोड्न खोजेको भन्दै प्रहरीले पानीका फोहरा, अश्रुग्यास र गोली चलाएको थियो भने प्रदर्शनकारीहरूले व्यक्तिगत घर, सरकारी गाडी र जडिबुटी प्रशोधन केन्द्रमा आगजनी गरेका थिए।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply