अनलाइन नेपाल
अछाम । अछामको चौरपाटी गाउँपालिकामा सत प्रतिशत किशोरीहरुलाई निःशुल्क एचपिभी खोप लगाइएको छ ।
मंगलबार सुरु भएको खोप अभियानमा चौरपाटी गाउँपालिकाका सात वटै वडाका एक हजार १५६ किशोरीहरुलाई एचपिभी खोप लगाइएको हो ।
गाउँपालिकाको स्वास्थ्य शाखाका अनुसार विद्यालय नजाने २८ र विद्यालय जाने ११२८ किशोरीहरुलाई पाठेघरको मुखको क्यान्सर गराउने विरुद्धको एचपिभी खोप लगाइएको छ ।
यही माघ २२ देखि २४ गतेसम्म सात वटै वडाका कक्षा ६ देखि १० सम्मका किशोरीहरु तथा विद्यालय बाहिरका १० वर्षदेखि १४ वर्षसम्मका किशोरीहरुलाई एचपिभी खोप लगाइएको स्वास्थ्य शाखाका प्रमुख खेम बोगटीले जानकारी दिए ।
स्वास्थ्यकर्मीहरु परिचालन गरेर विभिन्न विद्यालयमा पुगेरै किशोरीहरुलाई एचपिभी खोप लगाइएको थियो ।
सरकारले कक्षा ६ देखि १० सम्मका किशोरीहरु तथा विद्यालय बाहिरका १० वर्षदेखि १४ वर्षसम्मका किशोरीहरुलाई पाठेघरको मुखको क्यान्सर गराउने विरुद्धको एचपिभी खोप लगाउन देशैभर अभियान सञ्चालन गरिरहेको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply