काठमाडौं । काठमाडौं महानगरपालिकाले आज ३० औं महानगर दिवस मनाउँदैछ ।

दिवसका अवसरमा महानगरले सांस्कृतिक तथा सांगीतिक कार्यक्रम आयोजना गरेको छ ।

दिवसको औपचारिक कार्यक्रम काठमाडौंको सैनिक मञ्चमा र साँस्कृतिक तथा सांगीतिक कार्यक्रम टुँडिखेल मैदानमा हुने महानगरले जनाएको छ ।

बिहान ९ बजेदेखि नै टुँडिखेलमा मौलिक खाना महोत्सव हुनेछ । विभिन्न क्षेत्रमा उल्लेख्य योगदान गर्ने व्यक्तिलाई सम्मान गर्ने महानगरले जनाएको छ।

सांगीतिक कार्यक्रम दिउँसो ३ बजे शुरु हुनेछ। सांगीतिक कार्यक्रमका लागि चर्चित कलाकारलाई निम्तो गरिएको छ।