रूकुम पूर्वमा अटो दुर्घटना हुँदा एक बालिकाको मृत्यु

अनलाइन नेपाल

बुधवार , मंसिर २६, २०८१

रूकुम पूर्वमा अटो दुर्घटना हुँदा एक बालिकाको मृत्यु

रूकुम । रूकुम पूर्वको सिस्ने गाउँपालिका–६ पाखागाउँमा अटो दुर्घटना हुँदा एक बालिकाको मृत्यु भएको छ।

मृत्यु हुनेमा सिस्ने–६ खोपिचारकी १२ वर्षीया बालिका विष्णु बुढामगर रहेका छन्।

लुम्बनी प्रदेश ०२००१ ह ०३५० नंको अटो मध्यपहाडी सडकको पाखाँगाउँबाट रुकुमकोट आउँदै गर्दा दुर्घटनामा परेको थियो।

जिल्ला प्रहरी कार्यालय रुकुमपूर्वका अनुसार दुर्घटनामा घाइते हुनेमा सिस्ने गाउँपालिका–६ का १६ वर्षीय महेन्द्र बुढा मगर, सोही वडाकै १४ वर्षीया सुशीला बुढामगर, ११ वर्षीया सुस्मिता बुढामगर र अटोचालक सिस्ने गाउँपालिका–५ का ४० वर्षीय टोपबहादुर कार्की रहेका छन्।

गम्भीर अवस्था रहेका १६ वर्षीय महेन्द्रलाई थप उपचारका लागि नेपालगञ्ज पठाइएको छ।

अन्य तीनजनाको अवस्था सामान्य रहेको र जिल्ला अस्पताल रुकुमकोटमा उपचार भइरहेको प्रहरीले जनाएको छ ।

अटो अनियन्त्रित भई सडकबाट ५० मिटर तल खसेको प्रहरीले जनाएको छ।

प्रतिक्रिया दिनुहोस्

नयाँ अपडेट

थप नयाँ अपडेट

रूकुम पूर्वमा अटो दुर्घटना हुँदा एक बालिकाको मृत्यु