काठमाडौं । नेपाल प्रिमियर लिग (एनपीएल)मा बुधबारको दोस्रो खेलमा लुम्बिनी लायन्सले १२ ओभरमा १२१ रन बनाएको छ ।

विराटनगर किङ्ग्सविरुद्ध टस हारेर ब्याटिङको निम्तो पाएको लुम्बिनीले २ विकेट गुमाउँदै १२१ रन बनाएको हो।

पावरप्लेमा १ विकेटको क्षतिमा ५६ रन बनाएको लुम्बिनीले १२ ओभरमा थप १ विकेटको रुपमा अर्जुन साउदलाई गुमाउँदै ६५ रन थप्यो ।

लुम्बिनीले पहिलो विकेट आशुतोष घिरौयाको गुमायो उनी १३ बलमा २ चौका र १ छक्का प्रहार गर्दै १५ रनमा निकोलस क्रिटोनको हातबाट रन आउट भए ।

हाल क्रिजमा टम मोरिस र कप्तान रोहित पौडेल क्रमशः २६/३९ रनमा खेलिरहेका छन् । विराटनगरको यो तेस्रो खेल हो ।

पहिलो खेलमा जनकपुर बोल्ट्सँग ८ विकेट र दोस्रो खेलमा सुदुरपश्चिम रोयल्ससँग ८७ रनले पराजित भएको थियो ।

बुधबारको पहिलो खेलमा काठमाडौं गुर्खाजले कर्णाली याक्सलाई ३ विकेटले हराएको थियो ।