रोल्पा। निर्माणाधीन झोलुङ्गे पुलको पर्खाल भत्किँदा रोल्पामा चार जनाको मृत्यु भएको छ ।

सुनछहारी गाउँपालिका-३ गाममा निर्माणाधीन झोलुङ्गे पुलको पर्खाल भत्किँदा चार जनाको मृत्यु भएको हो।

पर्खाल भत्किएर पुरिँदा सोही ठाउँका ४५ वर्षीय दुजमन परियार, ३१ वर्षीय ओम परियार, ४० वर्षीया सुबित्रा परियार र २७ वर्षीया आईती परियारको मृत्यु भएको रोल्पा प्रहरीले जनाएको छ ।

मौलाबाङ र बाहिरी गाम जोड्न झोलुङ्गे पुल निर्माणको काम चलिरहेको थियो।