एजेन्सी । पाकिस्तानका पूर्वप्रधानमन्त्री इमरान खानको रिहाइको माग गर्दै सुरु भएको विरोध प्रदर्शन हिंसात्मक बनेको छ ।

प्रदर्शनकारीहरूले श्रीनगर राजमार्गमा सुरक्षा बलहरूमाथि आक्रमण गर्दा चार सैनिक र दुई प्रहरीको मृत्यु भएको हो।

इमरान खानका सयौं समर्थक इस्लामाबादमा प्रवेश गरेका छन् । यस घटनामा ५ सैनिक र २ प्रहरी पनि घाइते भएका छन् ।

सेनाले ढुवानी कन्टेनर राखेर राजधानी जाने राजमार्ग अवरुद्ध गरे पनि प्रदर्शनकारीले लिफ्टिङ मेसिन र केही हेभी मेसिनको सहायताले ब्यारिकेड तोडेका छन् ।

हिंसामा हालसम्म १०० भन्दा बढी प्रहरी घाइते भएका छन् । अधिकांशको अवस्था गम्भीर रहेको पाकिस्तानी सञ्चारमाध्यमहरुले जनाएका छन् ।

इमरान खानको पार्टीले हिंसात्मक प्रदर्शनमा आफ्ना कार्यकर्ता पनि घाइते भएको दाबी गरेको छ ।