काठमाडौं । परराष्ट्रमन्त्री डा. आरजु राणा देउवाले जापान भ्रमण स्थगित गरेकी छन् । स्वास्थ्य परीक्षण गर्न उनी मंसिर १० गते जापान जाने कार्यक्रम तय भएको थियो ।

तर डाक्टरको समय नमिलेपछि परराष्ट्रमन्त्री राणाले जापान भ्रमण स्थगित गरेकी हुन् ।

अब प्रधानमन्त्री केपी शर्मा ओलीको मंसिर १७ गतेदेखि हुने औपचारिक चीन भ्रमणको तयारीका लागि परराष्ट्रमन्त्री राणा बिहीबार बेइजिङ जाने स्रोतले बतायो ।

यस अगाडि स्वास्थ्य उपचार गराएर जापानबाट बेइजिङ जाने परराष्ट्रमन्त्री राणाको तयारी थियो ।प्रधानमन्त्रीको चीन भ्रमणका क्रममा उठाइने विषयका बारेमा सरकारले आन्तरिक छलफल गरिरहेको छ ।