एजेन्सी । युरोपेली च्याम्पियन्स लिग फुटबलमा बार्सिलोनाले घरेलु टोली क्रिभेना ज्भेज्दाविरुद्ध ५-२ को शानदार जित हासिल गरेको छ ।

जितसँगै चार खेलबाट ९ अंक जोडेको बार्सिलोना छैटौं स्थानमा पुगेको छ भने चार वटै खेल हारेको ज्भेज्दा अंक तालिकाको पुच्छारमा छ।

बार्सिलोनाका लागि रोवर्ट लोवान्डोवस्कीले दुई तथा इनिगो मार्टिनेज, राफिन्हा र फिर्मिन लोपेजले एक एक गोल गरे ।

ज्भेज्दाका सिलस र मिल्सनले एक एक गोल फर्काएका थिए। त्यस्तै गएराति नै भएको अर्को खेलमा इन्टर मिलानले आफ्नो अपराजित यात्रालाई कायमै राखेको छ ।