एजेन्सी । अमेरिकी पूर्वराष्ट्रपति तथा रिपब्लिकन पार्टीबाट आगामी निर्वाचनको उम्मेदवार डोनाल्ड ट्रम्पसँग एलोन मस्कले प्रत्यक्ष अन्तर्वार्ता लिएका छन् ।

उनले अमेरिकी निर्वाचनसहित समग्र विषयमा नेपाली समयअनुसार मंगलबार बिहान अन्तर्वार्ता लिएका हुन् ।

अन्तर्वार्ता निर्धारित समय भन्दा अलि ढिलो सुरु भएको थियो । मस्कले यसका लागि साइबर हमलालाई जिम्मेवार ठहर्याएका छन् ।

सुरुमै मस्कले यसलाई अनौपचारिक अन्तर्वार्ताको रूपमा वर्णन गरे, जसले खुला दिमागका स्वतन्त्र मतदाताहरूलाई मद्दत गर्ने मस्कको भनाइ छ ।

जनवरी ६, २०२१ मा क्यापिटल हिलमा भएको दंगापछि ट्रम्पलाई एक्स प्लेटफर्मबाट दुई वर्षको लागि प्रतिबन्ध लगाइएको थियो ।