काठमाडौं । नेपाली कांग्रेसका सभापति शेरबहादुर देउवाले पार्टीका ३७ वटा विभाग प्रमुख तोकेका छन्।

सभापति देउवाले सोमबार पार्टीका दुई समूहबाट प्रतिनिधित्व हुने गरी विभागका प्रमुख तोकेका हुन् ।

विधान अनुसार विभागको प्रमुख तोक्ने अधिकार सभापतिलाई छ । महाधिवेशन भएको छ महिनाभित्र विभागलाई पूर्णता दिनुपर्ने विधानको व्यवस्था छ ।

जसमा राज्य प्रशासन विभागको प्रमुखमा गोविन्द भट्टराई,स्थानीय तह समन्वय विभाग प्रमुखमा मधु आचार्य,अभिलेख,अनुगमन तथा मूल्यांकन विभागमा मानबहादुर विश्वकर्मा, संघीय मामिला विभागमा गोविन्दबहादुर शाह, कानुन विभागमा मानबहादुर नेपाली मनोनयन भएका छन्।