तनहुँ । प्रहरीले ३२ वर्षीया महिलालाई बलात्कार गरेको आरोपमा एक जनालाई पक्राउ गरेको छ।

पक्राउ पर्नेमा भीमाद नगरपालिका-६ शान्तनगर माझटारका ३५ वर्षीय पिताम्बर नेपाली छन् ।

नेपालीले ती महिलालाई आफ्नै घरमा लगेर डर-धम्की देखाई करणी गरेको भन्ने उजुरी प्रहरीमा परेको थियो।

सोही उजुरीका आधारमा इलाका प्रहरी कार्यालय बेलचौताराबाट खटिएको प्रहरीले उनलाई पक्राउ गरेको हो ।

घटनाबारे थप अनुसन्धान भइरहेको प्रहरीले जनाएको छ ।