काठमाडौँ । आयोजक जर्मनी समूह ‘ए’ को विजेता बन्दै यूरो कपको अन्तिम १६ मा प्रवेश गरेको छ ।

सोमबार बिहान सम्पन्न खेलमा जर्मनी स्विट्जरल्यान्डसँग १–१ को बराबरी खेल्दै अन्तिम १६ मा प्रवेश गरेको हो ।

बराबरीपछि ३ खेलबाट जर्मनीको ७ अङ्क रहेको छ। स्विस टोलीले समान खेलबाट ५ अङ्क रहेको छ । यस समूहको अन्य खेलमा हंगेरीले स्कटल्यान्डलाई १–० गोलले हरायो।

यो नतिजापछि हंगेरीले प्रतियोगिताको नकआउट चरण पुग्ने सम्भावना कायम राखेको छ भने स्कटल्यान्ड प्रतियोगिताबाट बाहिरिएको छ।