करिब ९ अंकले बढ्यो नेप्से, ५ अर्ब ४९ करोडको कारोबार

काठमाडौं । सेयर बजार परिसूचक नेप्से करिब ९ अंकले बढेको छ। नेप्से परिसूचक ८.९० अंकले बढेर २०८२.०२ को बिन्दुमा पुगेको हो।

सामान्य अंकले बढेको सेयर बजारमा कारोबार रकम आइतबारको तुलनामा बढेको छ।

यसदिन ३१४ स्क्रिप्सको १ करोड १६ लाख ३४ हजार ६१८ कित्ता सेयर ५ अर्ब ४९ करोड ६ लाख ९ हजार ७८२ रुपैयाँमा खरिदबिक्री भए।

आइतबार ५ अर्ब १८ करोड मूल्य बराबरको सेयर कारोबार भएको थियो। आज तीनवटा स्टकको सेयर सकारात्मक सर्किट लेभलमा कारोबार भयो।

कुथेली बुखारी, त्रिशुली जलविद्युत कम्पनी र पिपुल्स पावरको सेयर सकारात्मक सर्किट लेभलमा कारोबार भयो।

मोलुङ हाइड्रोपावरको सेयर ९.४९ र सुपर माइ हाइड्रोपावरको ८.९९ प्रतिशतले बढ्यो।

कारोबार रकमका आधारमा एनआरएन इन्फ्रास्टक्चर डेभलपमेन्ट शीर्षस्थानमा रह्यो।

सो कम्पनीको ४१ करोड ८७ लाख मूल्य बराबरको सेयर कारोबार भयो।

प्रतिक्रिया दिनुहोस्

नयाँ अपडेट