पूर्वी नवलपरासी । पूर्वी नवलपरासीको विनयी खोला किनारमा पाटे बाघ मृत अवस्थामा फेला परेको छ ।

डिभिजन वन कार्यालयका प्रमुख केशव अघिकारीका अनुसार बुधबार साँझ पोथी बाघ मृत फेला परेको हो ।

स्थानीयले खोला किनारमा बाघ मृत देखेपछि खबर गरेका थिए । लगत्तै वन कार्यालय र प्रहरीको टोलीले दुम्कीबासस्थित वन कार्यालयमा बाघ ल्याएको थियो ।

बाघको पछिल्लो भागमा जंगली जनावरले टोकेको जस्तो देखिएको बताइएको छ । बाघको आज पोस्टमार्टम गरिने छ ।