सर्लाही । प्रहरीले सर्लाहीमा एकैदिन २०२ जना फरार प्रतिवादीलाई पक्राउ गरेको छ ।

जिल्ला प्रहरी कार्यालय सर्लाहीले कुटपिट, जुवा, जालसाजी, डाँका तथा चोरी, जबरजस्ती करणी र भ्रष्टाचार लगायतका मुद्धामा फरार प्रतिवादीलाई पक्राउ गरेको हो ।

साथै उनीहरूलाई सर्लाही जिल्ला अदालतमा बुझाएको प्रहरीले जनाएको छ । उनीहरूलाई जिल्ला प्रहरी कार्यालय सर्लाही लगायतका स्थानबाट खटिएको प्रहरी टोलीले शुक्रवार पक्राउ गरी जिल्ला अदालत मलंगवा सर्लाहीमा बुझाएको बताइएको छ ।

पक्राउ परेकाहरूबाट ५ दिनदेखि ३ वर्ष ६ महिनासम्म कैद र १०० रुपैयाँदेखि ३ लाख ६३ हजार रुपैयाँ जरिवाना असुलउपर हुन बाँकी रहेको प्रहरीले जनाएको छ ।