काठमाडौं । नेकपा एमालेका नेता गोकुल बास्कोटाले काठमाडौं महानगरपालिका प्रहरीले ‘फुटपाथ व्यापारीहरूमाथि गरेको धरपकड’ को विरोध गरेका छन् ।

सामाजिक सञ्जाल फेसबुकमा लेख्दै उनले सो विरोध गरेका हुन् । उनले सहरहरू सम्पन्नहरूले मात्र सयर गर्ने थलो नभएर साधारण मान्छेहरूले पसिना चुहाएर जीवन धान्ने ठाउँ पनि भएको बताए ।

‘गरी खाने मान्छेमाथिको अमानवीय र गैरकानुनी दमन गलत हो । बन्द गर, धरपकड र दमन,’ फेसबुकमार्फत बास्कोटाले भने ।

बुधबार साँझ महागर प्रहरी र फुटपाथ व्यापारीबीच काठमाडौंको सुन्धारा अगाडि झडप भएको थियो । जसमा फुटपाथ व्यापारी र महानगर प्रहरी घाइते भएका थिए ।