एजेन्सी । चीनले अमेरिकालाई दुई पाण्डा उधारोमा दिँने भएको छ।

दुई दशकपछि पहिलोपटक चीनले क्यालिफोर्नियास्थित सान डियगो शहरको एक चिडियाखानाका लागि ती दुई पाण्डा पठाउन लागेको हो ।

पाण्डाहरू कहिले आइपुग्छन् भन्ने आधिकारिक समय भने निश्चित भैसकेको बताइएको छ ।

तर निकट भविष्यमै पान्डा पाइने आशामा आफूहरू रहेको सान डिएगो वाइल्डलाइफ एलायन्सले भनेको छ ।

चिनियाँ राष्ट्रपति सी जिनपिङले चीनले अमेरिकाका लागि नयाँ पाण्डाहरू पठाउने सङ्केत गरेको केही महिनापछि यो खबर बाहिर आएको हो ।

चीन र अमेरिकाबिच मित्रताको दूतको रूपमा पाण्डाहरू पठाइने राष्ट्रपति सीको भनाई थियो ।

पाण्डा संरक्षणको मामिलामा अमेरिकासँग सहकार्य जारी राख्न चीन तयार रहेको उनले बताएका थिए ।