काठमाडौं। क्यानडविरुद्धको एकदिवसीय क्रिकेटमा भीम सार्कीले पनि अधर्शतक पूरा गरेका छन्।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा भीम सार्कीले ७८ बलमा अर्धशतक पूरा गरेका हुन्। सो क्रममा भीमले ५ चौका प्रहार गरेका हुन्। भीम सार्की र अनिल साहले दोस्रो विकेटका लागि सतकीय साझेदारी गरेका छन्।

यसअघि अनिल साहले अर्थसतक पूरा गरिसकेका छन् । अनिलले ५० बलमा अर्ध शतक पूरा गरेका हुन् । अनिलले दोस्रो ओभरमा तीव्र गतिका बलर उदय भागवानलाई लगातार चार चौका हानेर धमाकेदार सुरुवात गरेका थिए ।

यसअघि दोस्रो ओडीआईमा शनिबार पुनरागमन खेलमा अनिलले २० बलमा ५० रन बनाएका थिए । २०२२ पछि नेपालको जर्सीमा फर्किएका अनिल लगातार दोस्रो खेलमा अर्ध शतक पूरा गरेका हुन् ।

२३३ रनको लक्ष्यमा पछाइरहेको नेपालले ३६ ओभरमा एक विकेट गुमाए १८४ रन बनाएको छ। कुशल भुर्तेल भने १३ रनमा बोल्ड भए ।